Міжнародны дзень роднай мовы!
19 лютага ў Дзяржаўным музеі гісторыі беларускай літаратуры прайшла літаратурна-музычная імпрэза “Родная мова ў марах, у песнях, у снах…”, прымеркаваная да Міжнароднага дня роднай мовы.
Падчас мерапрыемства прагучалі вершы беларускіх паэтаў і народныя песні ў выкананні студэнцкіх творчых калектываў мінскіх навучальных устаноў: студэнтаў творчага саюза БДУ, паэтычнага тэатра “Рытмы сэрца” (БДУІР), вакальнай студыі “Шанс” (БДУІР).
Удзельнікі клуба “Класікі і сучаснікі” з нашага каледжа Кулага Цімафей, Казакоў Данііл, Крываль Дзяніс, Углік Радзівон, Максімаў Аляксандр, Канюхневіч Арсеній, Марукевіч Максім, Хрусталёў Арцемій, Яраш Ягор выступілі з праграмай “Любуюся словам”.
Галоўны рэдактар часопіса “Роднае слова” Наталля Мікалаеўна Шапран уручыла кіраўніку аб’яднання па інтарэсах “Класікі і сучаснікі” І. М. Герасімовічу грамату за найлепшую метадычную публікацыю 2020 года.
Загадчык навукова-асветніцкага аддзела музея Эліна Карлаўна Свірыдовіч выказала шчырую ўдзячнасць нашым навучэнцам за выступленне.
Свята роднай мовы атрымалася вельмі цёплым, цікавым і запамінальным.
https://rod-slova.by/naviny/rodnaja-mova-marah-u-pesnjah-u-snah1/
