“Слова Пімена Панчанкі пра Мінск”
12 снежня 2017 года пад кіраўніцтвам выкладчыка беларускай мовы і літаратуры Герасімовіча І.М. адбылося пасяджэнне клуба “Класікі і сучаснікі”. Удзельнікі гуртка дэманстравалі творчы праект “Слова Пімена Панчанкі пра Мінск”. Вядучыя мерапрыемства Дзятчык Міхаіл і Патоцкі Давід расказалі пра творчасць Пімена Емельянавіча Панчанкі, яго вялікую любоў да сталіцы Беларусі, раскрылі гісторыю памятных мясцін, якім прысвечаны вершы народнага паэта. Навучэнцы Верашчака Кацярына, Емец Павел, Малкоўскі Дзмітрый, Курыловіч Павел, Стрыжань Арцём , Хімарода Сяргей, Чаркасаў Васіль, Бічык Іван, Давыдзенка Ціхан, Каханоўскі Антон, Янчэнін Руслан, Сембур Юрый, Цяцера Арцём, Задарожны Вячаслаў, Петрыкевіч Дзяніс прачыталі творы “Слова пра Мінск”, “Мінску”, “Вечны агонь”, “Наш дом”, “Камароўка”, “Святочныя салюты”, “Вуліцы сяброў”, “Мінскія святы”, “У садзе ўсё лісце апала…”.Таксама прагучала “Песня пра Мінск” Ігара Лучанка на верш Пімена Панчанкі.
З вуснаў навучэнцаў прагучалі словы ўдзячнасці Пімену Емельянавічу Панчанку за цудоўныя творы пра нашу слаўную сталіцу, словы ўдзячнасці партызанам, падпольшчыкам, салдатам, якія ў час Вялікай Айчыннай вайны аддалі свае жыцці за наша шчасце жыць і вучыцца ў мірным горадзе. Прагучала падзяка архітэктарам, інжынерам, будаўнікам, якія ў цяжкія пасляваенныя гады адбудавалі горад, зрабілі яго ўтульным і прыгожым.
Прысутныя пазнаёміліся з цікавай выстаўкай, прысвечанай творчасці Пімена Панчанкі, якую падрыхтавалі супрацоўнікі бібліятэкі каледжа.
